Срциња со цимет од лиснато тесто

Измешајте ги шеќерот и циметот.

Расукајте го листатото тесто на долгнавеста кора, широка отприлика 10см.

Посипете од мешавината од шеќер и цимет на работната површина и ставете го тестото за да се налепи. Потоа посипете го остатокот од мешавината и од горната страна.

Свиткајте го тестото во облик на срце - половина ролна од едната страна, половина од другата. Сечете парчиња дебели околу 2см.

Наредете ги парчињата на тава обложена со хартија за печење. Нека се печат околу 15-тина минути на 180С.

Откако ќе ги извадите испечените срциња посипете ги уште еднаш со преостанатата мешавина од шеќер и цимет.

Најубави се додека се топли...неверојатен вкус, а толку едноставен рецепт од само 3 состојки.